Kancelari gjerman, Olaf Scholz deklaroi se Ukraina ka të drejtë, sipas ligjit ndërkombëtar, të përdorë armë gjermane kundër objektivave në rajonin kufitar rus, duke rikonfirmuar ndryshimin e qëndrimit të qeverisë gjermane.
Ai gjithashtu deklaroi se negociatat e mundshme të paqes me Rusinë “janë ende shumë larg”.
Scholz në të njëjtën kohë siguroi qytetarët se do të bëjë gjithçka për të siguruar që Gjermania të mos tërhiqet në luftën e Rusisë kundër Ukrainës.
“Është e drejtë që ne të koordinohemi ngushtë me aleatët tanë përsëri përpara se të marrim vendime të tilla afatgjata dhe qytetarët mund të mbështeten tek ne që të veprojmë gjithmonë me mençuri dhe të peshojmë me kujdes rreziqet. Si kancelar, kam këtë përgjegjësi, të siguroj që asnjë fëmijë i lindur në Gjermani të mos përjetojë luftë në vendin tonë. Ky për mua është prioriteti absolut ”, tha ai dhe pranoi se shumë qytetarë kishin frikë se lufta në Ukrainë mund të përshkallëzohej dhe të rrezikonte paqen dhe sigurinë në Gjermani.
“Nuk ka asgjë naive për t’u shqetësuar për paqen,” tha ai, ndërsa shprehu besimin se do të duhet ende kohë përpara se të fillojnë negociatat e paqes me Rusinë, pasi Kremlini beson se mund të fitojë ende në fushën e betejës./abcnews.al
Meta njofton ndryshimet në mënyrën se si WhatsApp dhe Messen...
Irani “dërgon” qindra raketa balistike në Rusi
Ukraina e shqetësuar për praninë e raketave balistike irania...
Vogëlushi i afrohet Kurtit për ‘selfie’, ia vë gishtin në gj...
Fundjavë me fluks në Morinë, qytetarët e Kosovës për pushime...
Shqipëria me përmbysje spektakolare ndaj Ukrainës merr tri p...